ব্যক্তিগত সময় আৰু অসমীয়া চেনেল

হিমা দাস অসমৰ গৌৰৱ। তিনিটাকৈ পদকেৰে চহকী হোৱা হিমাক লৈ আমি যিদৰে গৌৰৱবোধ কৰিছোঁ, তাতোকৈ বহুতখিনি অনুভৱ কৰিছে হিমাৰ পৰিয়ালবৰ্গ্ই। প্ৰতিজন দৰ্শকৰ লগতে তেওঁ লোকৰো এটাই কেৱল আশা, হিমাৰ কোলাত পদকৰ বৰষুণ হ্ওঁক। টেলিভিজনৰ সন্মুখত বহি ভগৱানৰ আশীষ বিছাৰিছিল সকলোৱেই। হিমাই পদক পাওঁক। কিন্তু একেবাৰেই ব্যক্তিগত এটি মুহূৰ্ত, য'ত পৰিয়ালবৰ্গ্ই নিশ্চয় কৈ হিমাৰ খেল চাবলৈ বহিছিল, তাত কেমেৰামেন নিউজ চেনেলৰ কি কাম।

ল'ৰাছোৱালীৰ ভাল হ'লে অৱশ্যেই সকলো সুখী হ'ব। বেয়া হ'লেও আগুৱাই যাবলৈ মনোবল দিব।

এতিয়া হিমা জিকিল। সুধিব, কেনে লাগিছে। ওৱা, ভালেই লাগিব, আৰু কি লাগিব। ৰাইজক নেদেখালেও ৰাইজে বুজিব কি বুজিব লাগে।

একান্তই ব্যক্তিগত এই সৰু সৰু সুখ দুখৰ সময়বোৰ নিজৰ হৈ থাকিবলৈ দিলেই ভাল হ'ব যেন মনে কয়।